ЭРХ ЗҮЙН ХӨТӨЧ

Нийгмийн даатгал Жирэмсэн болон амаржсаны тэтгэмж

Жирэмсэн болон амаржсаны тэтгэмж гэдэг нь нийгмийн даатгал төлөгч иргэн та жирэмсний болон амаржсаны улмаас тодорхой хугацаанд хөдөлмөрлөх боломжгүй нөхцөл байдалд нийгмийн даатгалын сангаас нэг удаа олгох мөнгөн хөрөнгийг хэлнэ.

Асуулт 1. Би 6 сартай жирэмсэн, төрийн байгууллагад ажилладаг. Нийгмийн даатгалын шимтгэл нийт 7 сар тасралтгүй төлсөн. Намайг манай байгууллагын нягтлан жирэмсний дикрит авахгүй чи 12 сар шимтгэл төлөөгүй гээд байх юм. Энэ талаар надад хуулийн зөвлөгөө өгч тусална уу?

“Нийгмийн даатгалын сангаас олгох тэтгэвэр тэтгэмжийн тухай” хуулиар тэтгэмжийн даатгалын шимтгэлийг жирэмсний чөлөө авахаас өмнө 12 сараас доошгүй хугацаанд, үүнээс сүүлийн 6 сард нь уг шимтгэлийг тасралтгүй төлсөн даатгуулагч эх жирэмсний болон амаржсаны тэтгэмж авах эрхтэй байдаг.Та сүүлийн 7 сар тасралтгүй нийгмийн даатгалын шимтгэл төлсөн учраас танд тус хуулинд заасан жирэмсний тэтгэмж авах эрх үүсэж байна.  Тэтгэмжийн даатгалд даатгуулж шимтгэл төлсөн, хөдөлмөрийн гэрээгээр ажилладаг болон төрийн албан хаагч эхэд жирэмсний болон амаржсаны тэтгэмжийг ажлын өдрөөр тооцон тэтгэмжийн даатгалын шимтгэл төлсөн сүүлийн 12 сарын хөдөлмөрийн хөлс, түүнтэй адилтгах орлогын дунджаас 100 хувиар тооцож 4 сарын хугацаанд нийгмийн даатгалын сангаас олгоно.

Асуулт 2. Ямар болзол, нөхцөлийг хангасан даатгуулагч эх жирэмсний болон амаржсаны тэтгэмж авах вэ?

Тэтгэмжийн даатгалын шимтгэлийг жирэмсний чөлөө авахаас өмнө 12 сараас доошгүй хугацаанд үүнээс сүүлийн 6 сард тасралтгүй төлсөн даатгуулагч эх жирэмсний болон амаржсаны тэтгэмж авах эрхтэй.

Асуулт 3. Жирэмсний болон амаржсаны тэтгэмж ямар хэмжээтэй байдаг вэ?

Жирэмсний болон амаржсаны тэтгэмжийг нийгмийн даатгалд заавал болон сайн дураар даатгуулсан эхийн тэтгэмжийг даатгалын шимтгэл төлсөн сүүлийн 12 сарын хөдөлмөрийн хөлс, орлогын дунджаас 70 хувиар тооцож 4 сарын хугацаанд тэтгэмжийн даатгалын сангаас олгоно.

Жирэмсний болон амаржсаны тэтгэмжийг ажлын өдрөөр тооцож олгоно.


http://www.e-khutuch.mn/guide/print/4/15/faq