ЭРХ ЗҮЙН ХӨТӨЧ

Гаалийн байгууллагын үйлчилгээ Гаалийн бүрдүүлэлтийг хийх

Гаалийн бүрдүүлэлт гэж гаалийн хилээр нэвтрүүлэх барааг гаалийн байгууллагад мэдүүлсэн үеэс гаалийн бичиг баримтыг, шаардлагатай тохиолдолд барааг шалгах, ногдуулсан татварыг төлсний дараа барааг олгох, эсхүл гаалийн хилээр гаргахыг зөвшөөрөх хүртэлх цогц үйл ажиллагаа юм.

Мэдүүлэгч гаалийн бүрдүүлэлтийн үйлчилгээний хураамж төлнө.

Үйлчилгээний хураамж

Хураамжийн хэмжээ

Гаалийн хилээр нэвтэрсэн бараа, тээврийн хэрэгсэлд гаалийн бүрдүүлэлт хийхэд:

-үндсэн мэдүүлэг бүрт

-нэмэлт мэдүүлэг бүрт

 

 

 

 7000.00 төгрөг

1200.00 төгрөг

Гаалийн хяналтын түр бүсэд захиалгаар үйлчлэхэд (гаалийн бүрдүүлэлтийн үйлчилгээний хураамж дээр нэмж тооцно.)

1 цагийн хураамж:

-ажлын өдөрт

-ажлын бус цаг, амралт, баярын өдрүүдэд

 

 

 

 

 

4000.00 төгрөг

8000.00 төгрөг

Хувь хүний нэр дээр ирсэн улс хоорондын шуудангийн илгээмж болон зорчигчийн бараа арилжааны шинж чанартай бол тооцоот хуудсаар гаалийн бүрдүүлэлт хийхэд

1200.00 төгрөг

Авто тээврийн хэрэгслээр тээвэрлэж буй бараанд ачааны манифест (А1) бичихэд манифест тутамд

3000.00 төгрөг

Гаалийн баталгаат үйлдвэрийн газар хийгдэх үйл ажиллагааны гэрээний үнийн дүнгээс тооцон барааг хилийн чанадад буцаан гаргахад гаалийн баталгаат үйлдвэрийн газрын эрхлэгч шимтгэл төлнө. /ГЕГ-ын даргын 2015-07-22-ны А/166 дугаар тушаалаар өөрчлөлт орсныг тусгав./

 

Гаалийн үндсэн болон нэмэлт мэдүүлэг, гаалийн мэдүүлгийн хавсралт, ачааны манифестыг зуучлагч байгууллагуудад худалдахад:

-1 багц нь

 

 

 

 

1200.00 төгрөг

Экспортод гаргах нүүрс болон уул уурхайн эрдэс бүтээгдэхүүний гаалийн бүрдүүлэлтийн хураамж:

-тонн тутамд

 

 

 

1500.00 төгрөг

Гаалийн хилээр нэвтрүүлэх бараа, тээврийн хэрэгсэлд тавьсан нэг удаагийн ломбоны үнэ

 

 

1000.00 төгрөг

 

 

СТАТИСТИКИЙН МЭДЭЭЛЭЛ, ЛАВЛАГААНЫ ТӨЛБӨР

Үйлчилгээний хураамж

Хэмжих нэгж

Төлбөр /төг/

Гаалийн хилээр нэвтэрсэн бараа, тээврийн хэрэгсэлд гаалийн бүрдүүлэлт хийхэд:

-сар бүрээр

-хагас жилийн, жилийн эцсийн

 

 

 

 

 

ш

ш

 

 

 

 

 

5000

5000

Мэдээллийн сангаас гаргасан статистикийн мэдээлэл

А4-ийн 1 нүүр

5000

Лавлагаа /жагсаалтаар/

А4-ийн 1 нүүр

5000

 

Гаалийн тухай хуулийн 26.1-д заасан хураамжийн хэмжээг үйлчилгээний зардлыг харгалзан гаалийн удирдах төв байгууллагын дарга тогтооно.

Гаалийн тухай хуулийн 26.1-д заасан хураамжийг улсын төсөвт төвлөрүүлнэ.

Гаалийн бүрдүүлэлт хийхэд шаардагдах мэдээлэл бичиг баримт

Гаалийн байгууллага гаалийн бүрдүүлэлт хийхэд шаардагдах мэдээлэл бичиг баримтыг мэдүүлэгчээс гаргуулан авна.

Гаалийн тухай хуулийн 27.1-д заасан мэдээлэл, бичиг баримт гаргаж өгөх хугацааг гаалийн удирдах төв байгууллагын дарга тогтооно.

Гаалийн удирдах төв байгууллага гаалийн бүрдүүлэлтийг хялбарчлах, түргэвчлэх зорилгоор гадаад улсын гаалийн байгууллагатай мэдээлэл, бичиг баримтыг харилцан хүлээн зөвшөөрөх тухай гэрээ байгуулж болно.

Гаалийн тухай хуулийн 27.1-д заасан мэдээлэл, бичиг баримтыг факс, нийтийн электрон шуудан гаалийн байгууллагатай холбогдсон бусад байгууллагын мэдээллийн сүлжээгээр ирүүлж болно.

Гаалийн бүрдүүлэлтийн бусад төрөл

-Гаалийн түргэвчилсэн бүрдүүлэлт

Гаалийн хилээр нэвтрүүлэх дор дурдсан бараанд гаалийн түргэвчилсэн бүрдүүлэлтийг хийж болно:

  • Гэнэтийн буюу давагдашгүй хүчний шинжтэй онцгой нөхцөл байдлын улмаас бий болсон хохирлыг арилгах зориулалтын бараа

  • Цацраг идэвхит бодис, химийн хорт болон аюултай бодис, тэсэрч дэлбэрэх бодис

  • Мал амьтан

  • Улс хоорондын шуудангийн илгээмж

  • Сонин, тогтмол хэвлэл, мэдээллийн болон эрдэм шинжилгээ, судалгааны материал

  • Амархан муудах, гэмтэх магадлал бүхий хадгалалтын онцгой нөхцөл шаардсан бараа

  • Донорын эд эрхтэн, цус цусан бүтээгдэхүүн

  • Хуульд заасан бусад бараа

Гаалийн тухай хуулийн 29.1-д заасан бараанд гаалийн бүрдүүлэлтийн бичиг баримтыг гаалийн байгууллагаас тогтоосон хугацаанд бүрдүүлж өгөх болзолтойгоор дараалал харгалзахгүй гаалийн бүрдүүлэлт хийнэ.

-Гаалийн хялбарчилсан бүрдүүлэлт

Гаалийн тухай хуульд заасан бичиг баримтыг шаардахгүйгээр гаалийн мэдүүлгийн зарим хэсгийг нөхөн бичүүлэх замаар гаалийн хялбарчилсан бүрдүүлэлт хийж, барааг гаалийн хилээр нэвтрүүлж болно.

-Гаалийн хялбарчилсан бүрдүүлэлтийг дараах тохиолдолд хийж болно.

  • Барааг гаалийн нутаг дэвсгэрээр дамжуулахгүйгээр хилийн чанадаас шууд гаалийн баталгаат бүсэд оруулах

  • Барааг гаалийн баталгаат бүсээс гаалийн нутаг дэвсгэрээр дамжуулахгүйгээр хилийн чанадад гаргах

Гадаад бүрдүүлэлтэд шаардлагатай гадаад худалдааны бичиг баримт:

            Олон улсын худалдааны бичиг баримтыг гүйцэтгэх үүргээс нь хамаарч дараах бүлгүүдэд хуваадаг.

Авто тээврийн хэрэгслээр:

  • Авто тээврийн хэрэгслийн гэрчилгээ;

  • Ачаа тээвэрлэлтийн бичиг баримт;

  • Худалдааны бичиг баримт; /Гадаад худалдааны гэрээ, төлбөрийн баримт, үнийн нэхэмжлэх, баглаа боодлын жагсаалт, даатгалын бичиг баримт, техникийн бичиг баримт болон бусад барааг тодорхойлсон шаардлагатай бичиг баримтууд/

Агаарын тээврийн хэрэгслээр:

  • Тээврийн хэрэгслийн гэрчилгээ;

  • Ерөнхий мэдүүлэг;

  • Зорчигчийн нэрсийн жагсаалт;

  • Ачааны жагсаалт /карго манифест/;

  • Ачаа тээвэрлэлтийн бичиг баримт;

  • Аяллын хугацаанд хэрэглэх зорчигчийн хүнс, хэрэгслийн жагсаалт;

  • Худалдааны бичиг баримт;

Төмөр замаар:

  • Дамжуулах хуудас;

  • Вагон хуудас;

  • Тээврийн бичиг баримт;

  • Худалдааны бичиг баримт;

Гадаад худалдааны бараа нийлүүлэх суурь нөхцөл: /INCOTERMS/

Гадаад худалдаанд худалдах, худалдан авах гэрээ байгуулахад талуудын сонгосон ИНКОТЕРМС-н бараа нийлүүлэх суурь нөхцлөөс хамаарч зардал, эрсдлийг хариуцах тал тогтоогдох бөгөөд энэ нь барааны үнэ бүрдэлтэнд шууд нөлөөлнө. Иймээс гэрээ байгуулах, хэрэгжүүлэх явцад гарч болох үл ойлголцол, цаг хугацаа, хөрөнгө мөнгөний алдагдлаас сэргийлэхийн тулд олон улсын худалдааны үйл ажиллагаанд өргөн хэрэглэгддэг, нийтээр хүлээн зөвшөөрч ИНКОТЕРМС-ийн худалдааны нэр томъёог зөв ойлгож хэрэглэх шаардлагатай юм. ИНКОТЕРМС-ийн худалдааны нэр томъёог зөв ойлгож хэрэглэх шаардлагатай юм. ИНКОТЕРМС-ийг олон улсын худалдааны нэр томъёо гэж ойлгоно. 


http://www.e-khutuch.mn/guide/print/22/393/advice