ЭРХ ЗҮЙН ХӨТӨЧ

Захиргааны хэрэг шүүхэд хянан шийдвэрлэх ажиллагаа Захиргааны актын биелэлтийг түдгэлзүүлэх

Захиргааны актын биелэлтийг түдгэлзүүлэх

Хуулийн зохицуулалт

Нэхэмжлэгч иргэн эрх, хууль ёсны ашиг сонирхлыг зөрчиж байна гэж үзсэн захиргааны байгууллага, албан тушаалтны шийдвэр /захиргааны акт-ийн үйлчлэлийг түр зогсоолгохоор шүүхэд хүсэлт гаргах эрхтэй. Үүнийг захиргааны актын биелэлтийг түдгэлзүүлэх гэнэ.

Захиргааны хэрэг шүүхэд хянан шийдвэрлэх тухай хуулийн 62-р зүйлд заасан хориглох нөхцлүүд байхгүй бол хэргийн оролцогч, тэдгээрийн төлөөлөгч, өмгөөлөгч 61 дүгээр зүйлийн 61.1-т зааснаар хүсэлтээ гаргаж болно. 

Дараах тохиолдолд хүсэлт гаргаасн ч захиргааны актын биелэлтийг түдгэлзүүлэхгүй:

  1. бусдын амь нас, эрүүл мэнд, эд хөрөнгөд ноцтой, хуулийн этгээд, эсхүл нийтийн ашиг сонирхолд илт хохирол учруулахаар бол;
  2. хүн, хуулийн этгээдээс албан татвар, төлбөр, хураамж гаргуулах тухай шийдвэр бол;
  3. захиргааны журам зөрчсөн этгээдэд хариуцлага хүлээлгэсэн бол шийдвэр бол;
  4. үл маргалдах журмаар биелүүлэх шийдвэр бол.

Захиргааны актын биелэлтийг түдгэлзүүлснээр:

  • Иргэн, хуулийн этгээд захиргааны актын биелэлтийг дагаж мөрдөх шаардлагагүй,
  • Захиргааны байгууллага, албан тушаалтан захиргааны актыг хэрэгжүүлэх эрхгүй болно,
  • Энэ нөхцөл байдал хэргийг эцэслэн шийдвэрлэх хүртэл хугацаанд үргэлжилнэ. 

http://www.e-khutuch.mn/guide/print/17/241/law